أنا عمري ما نسيتكِ
للشاعر والأديب/ عماد الدين محمد
أنا عمري ما نسيتكِ
وفى زحمة الحياة
كنت بتعلق بأيدكِ
وفى عز الهموم
كنت بستنى عيدكِ
ولو الدمع سال
أرسمكِ كده بسمة
ولو تاه الطريق
نجمكِ بيهديني
طب ليه بتنسيني
الحمل عليكِ زاد
منا زادكِ وزوادكِ
دا لو تقولى الآه
بتوجع على وجعكِ
وأنحني على عودكِ
مهما تمر السنين
حافظ أنا عهدكِ
أنا ايه فى الحياة
من غير إهتمامكِ
من غير وجودكِ
عايش بتوقيتكِ
وبستنى أسمع صوتكِ
رسالتي فى الحياة
وحلم الليالى
أسند كده عودكِ
طب ليه بتنسيني
دا أنتِ نبض الروح
من غيركِ بعيش مجروح
وتفارق ضلوعي الروح
طب ليه بتنسيني
وأنا عمري ما نسيتكِ .
