الفنانة عفاف مصطفى توجه كلمة شكر للمخرج خالد يوسف
كتبت - شيماء محمود
وجهت الفنانة عفاف مصطفى كلمة شكر للمخرج خالد يوسف فقالت عنه :
"المخرج النبيل طيب القلب رزق من ربنا"
انهارده وهو بيفطر دخلت زي المدفع الغشيم أثناء تصوير المسلسل وقلتله
عايزين نتصور يا استاذ ، مش استني لما يخلص فطاره لا كعادتي مندفعه زي المدفع الفالت .
الأستاذ خالد يوسف كان قاعد يفطر في اللوكيشن في الشمس بالحي الريفي الأستاذ أول لما سمع عايزين نتصور يا أستاذ ساب الأكل بسرعة وقام
وقال : عيني
قلتله لا بعد لما حضرتك تخلص فطارك قالي : لا أتصوري الأول
اتصورنا قلته كمل فطارك يا أستاذ
قال : أنا خلاص الحمد لله فطرت وحقيقي ما مكملش الفطار وحسيت بالذنب لاني مندفعه وهو ذوق جدا جدا .
أنا استعيبت نفسي لاني إخترت الوقت الغير مناسب وهو إنسان بسيط ونبيل .
احيانا باتعامل بغشم او لا اجيد اختيار الوقت ودى مشكلتي في الحياه
المهم انا محظوظه ورازقني ربنا بالنبلاء بالناس الجميله الطيبه
اللهم ضع في طريقي النبلاء الطيبين الواثقين البني آدمين