الشخص العصبي
بقلم : مصباح محمد
الشخص العصبي من أنقى الأشخاص إللي ممكن تتعامل معاها في حياتك مش متصنع بيتعامل معاك بطبيعته وأكبر دليل علي كده إنه ممكن في لحظة يخليك تكرهه من رد فعله وفي لحظة تانية وهو بيصالحك يخليك تحضنه من كتر فرحتك بوجوده جمبك ده شخص بيدرك الأمور كويس فوق طاقتة في الإستيعاب سواء في الدراسة أو الشغل أو أى تعامل معاه ومع العالم ، كانه بيجيله الشعور مضاعف سواء حزن أو سعادة هتلاقيه لو حزن بيقول كمية دبش وكلام زى الزجاج المتكسر علي الأرض وتلاقيه لو فرح قلب كل الدنيا هزار وضحك بطريقة هيستيرية عنده متلازمة التملك لو بيحبك اي شعور هيبادله معاك هيكون مضاعف بمعني لو بيغير عليك هتكون غيرة عامية لو شافك واقف مع شخص هيخطفك منه لو شاف شخص هياخد مكانه هيخليك تكرهه بيعاني من أضطرابات بتخليه يتخيل اشياء أنت نفسك عمرك ما تتخيلها, وده بيخرج منه في شكل شك نظراته شك كلامه شك بيشم ريحة الكذب ولو شك في شيء بيكون ظنه في محله وده شيء تاعب أغلب إللي حواليه ،لو قاعد بيذاكر وأفتكر موقف سيء مش هيعرف يقرأ مش هيستوعب اللي بيذاكره ولو قعد قدامه يوم كامل ودى قمة معاناته لو حد من أهله قاله كلمة في وقت غير مناسب هتلاقي منه رد فعل بنظره تخوف ولو معرفش يتمالك نفسه هتلاقي كلام بنبرة تصوت إحتمال تخليك تدمع لو وصل لقمة نرفزته وفقد السيطرة متلومهوش لو كسر حاجة في الشقة أو المكان إللي قاعد فيه عشان دى حاجة مش بإردته الشخصية العصبية من أذكي الشخصيات إللي ممكن تتعامل معاها واوقات تانية بتفاجأك إنه أغبي شخص أنت تعرفه في حياتك أوقات تالتة بيكون أتفه من أتفه شخص قادر يضحك بس لو بصلك .
ولو في حياتك الشخص ده هتكون معرفتك بيه عدت العشر سنين عشان ده إدمان صعب ميكونش موجود في حياتك ده لو مكنتش أنت الشخص ده .