أحمد مكي الكبير أوي الجزء السادس ونجاح كبير
كتبت شيماء محمود
مسلسل الكبير الجزء السادس عامل ضجه كبيرة في الكوميديا واثبت ان العمل الصح والنجم الواثق في نفسه مش بيهمه حد ولا يفرق معاه يعلي علي زمايله زي ما حصل من الفنان مكي.
جاب سيرة رامز جلال اللي بيتعرض ليه برنامج في نفس معاد عرضه ويعتبر منافس ليه.
جاب سيرة حمادة هلال ومسلسل المداح اللي بيتعرض السنادي علي قناه منافسه.
جاب سيرة أغنية "ستو أنا" لـ أكرم حسني اللي هو بالفعل عامل مسلسل كوميدي ومنافس ليه.
جاب سيره نيللي كريم و مسلسل فاتن امل حربي.
جاب سيره يسرا و مسلسل احلام سعيده.
غني اغنيه اعلان WE لياسمين عبد العزيز و كريم محمود عبد العزيز.
واللي عمله مكي ده ممثلين كتير بيتجنبوا يعملوه او بمعني اصح مستحيل يعملوه و ده لو دل على شيء فيدل على إن مكي نضيف من جوة عشان كده عنده الشعبية دي ومحبوب للدرجة دي ودايما ناجح ده غير الشباب الجديده اللي اداهم فرص و مساحه في المسلسل خلتهم نجوم و محبوبين سواء مربوحه أو نفادي و غيرهم كتير ده غير الشخصيات اللي اتخلقت في المسلسل اللي هتفضل عايشه في قلوبنا سنين زي هدرس و دكتور ربيع و هديه و حزلقوم و جوني
و فزاع و اشرف
شكرا احمد مكي علي العمل العظيم ده
الكبير أوي أخراج احمد الجندي