ساكتة ليه
كلمات / يوسف عطاالله
ساكتة ليه ماتتكلمي الفن مات
ساكتة ليه ماعدش ينفع السكات
قولي لأ ماينفعش قوللهم اي حاجة
دول ماعندهمش دم باردين ثلاجة
طب قولي لابنك هاني ياغنى حاجه
يرد عليهم بغنوه بلحن بأي حاجة
عرفهم ياعنى ايه كلمه ياعنى ايه لحن
يصرخ يقول فيه معهد فى تدريس
ولا الفن والكلمه فيهم تدليس
ساكته ليه مابترديش عليه ليه
دا مطرب مش عارف اسمك ايه
دا عادو بيغنوا للعنب واللمون
دا مطرب بيقول عليك ام كلثون
ايوه بيسموه مطرب مهرجانات
مش بقولك ياست والله الفن مات
ساكته ليه ماتتكلمى الفن مات
ساكته ليه ماعاتش ينفع السكات
ودا مطرب بيغنى بالسيف والخنجر
ودول شبابنا نزلوا الشارع يقلدوه
قتلوا الناس بجد ومش تمثيل
شربوا حاجات مانعرف لها مثيل
زمنك فين ياست عايزين نقول الله
دا من كلامك وألحانه بنقول الله
بصيت لفوق لقيتها تمثال صنم
بس باقيه بفنها واغانيها زى الهرم
تاريخ اتسطر واتحفر فى قلوب الناس
كلمات ألحان فن غناا واحساس
طبعا بفنك واغانيك اتعملك تمثال
ودا مطرب غناا بره بلده وعاب فيها
بلده ام الحضارة والفن اتولد فيها
مش كفايا مستعير صوت فنان
دا مش صوتك عاد دا صوت فؤاد
مستحملين تغنى للحشيش والخمور
ان كان دا فن يكش ياأخى ياغووو
ساكته ليه ماتتكلمى خلينى انام
ولاأأقوم اسمع رباعيات الخيام .