"غناء صياد الصقور" موسيقى فيلم الهروب للنجم أحمد ذكي
كتبت: شيماء محمود
فيلم الهروب للمبدع أحمد ذكى اكيد فاكرين موسيقي الفيلم النواح الصعيدي اللي بيقول كلام مش مفهوم ده لو فاكر ان ده مجرد "ساوند تراك " لفيلم فالموضوع أكبر من كده بكتير
هو عبارة عن تسجيل صعيدي مجهول قديم جدا
اسمه (غناء صياد الصقور) اتسجل ف القرن ال١٩ بواسطة رحال فرنسي وفي الستينات سجلها الباحث الروماني (تبريو) كعمل إحترافي في بروجكت عن الفلكلور في مصر
لحد ما المخرج عاطف الطيب والموسيقار مودي الأمام جابوه من وزارة الثقافة الفرنسية سنة ١٩٩١ عشان يمستروه ويخلوه ساوند تراك للفيلم .
تنويحة صياد الصقور اتسجلت بالظبط في سوهاج وهو مش بيقول كلام مش مفهوم زي ماكلنا فاكرين هو
كان بيتكلم عن شخص تايه في الصحراء وبيكلم بكرته "الجمل اللي راكبه" عن أنه مش عارف يرجع لأصله وده كان حال منتصر "أحمد زكي" في الفيلم .