قصة بطولة بطل من ابطال حرب أكتوبر المجيدة
تقرير - شادى المعداوى
للوهله الأولى تقول انه احد المشردين او متتبعى الاثر من سكان الصحراء لكنة غير ذلك انه احد الابطال و الابناء الابرار
الأسم محمد احمد علوان
المهمه عمليه استطلاع
المكان خلف خطوط العدو
المده 6 ايام
وتم أسقاطه خلف خطوط العدو يوم 6 اكتوبر 1973 ع عمق 150 كيلو داخل سيناء بمنطقة نخل بوسط سيناء و استمر بسيناء من
6 اكتوبر 1973 إلى 23 أبريل 1974
انه اللواء أ ح دكتور / محمد أحمد علوان من رجال المخابرات والإستطلاع خلف خطوط العدو كان ملازم اول ف حرب اكتوبر 73 وهو من ابطال الكتيبة 9 استطلاع
المده كانت 6 ايام يعنى تكليفات و تجهيزات من ماء وطعام للايام السته فقط استمرت حوالى 180 يوم (حوالى 6 شهور) خلف الخطوط بما يعنى الموت فى كل خطوه اما يقع بيد العدو او يموت جوعا او عطشا
له قصته مشهوره جدا عندما تتخيل ان كل الضباط بعد انتصار اكتوبر ٧٣ رجعت بيوتها ونزلت اجازات بالتناوب وهو لأ لأنه كان شغال عنصر خلف الخطوط والده راح شئون ضباط القوات المسلحه عاوز يعرف هو عايش ولا استشهد كل مره يبلغوه انه عايش بس لسه مخلصش مهمته
الأب يرجع ويغيب اسبوع اتنين يرجع لهم تانى لحد مازهقوا آخر مره صعب حاله عليهم قالوله طيب بلغنا سؤال نسألهوله ميكونش حد عارف إجابته غير هو وفعلا ترك لهم السؤال وظل منتظر ف مركز العمليات حتى موعد الاتصال بالملازم أول محمد احمد علوان وسمع بنفسه الاجابه والكلام ده يوم ٢٠ أبريل سنة ٧٤ يعنى بعد الحرب ب ٦ شهور
ده أحد أبطالنا وهو استاذ ومعلم لكل ضباط الإستطلاع خلف الخطوط
وتوفى فى ٥ مايو الماضي فى شهر رمضان
رجال صدقوا ما عاهدوا الله عليه
اللهم ارحمه واغفر له واسكنه فسيح جناتك
وكل ابطالنا وشهدائنا الابرار
