احتفال ٤ شباب بتخرج والدتهم من كلية الحقوق
كتب _ اشرف محمد
وقال أحد الشباب عن قصة والدته:"النهارده ماما اتخرجت من كلية حقوق إسكندرية بتقدير عالى ماما مكملتش تعليمها عشان تتجوز وهى عندها ١٨ سنه وجابت ٤ أولاد وبعد طلاقها من بابا من حوالى ١٠ سنين جالها حالة من الاكتئاب".
وأضاف الشاب:" اقترحنا عليها أنا واخواتى إنها تكمل تعليمها وده ممكن يشغلها شوية من اللى كانت فيه وأن حياتها ممكن تتغير شويه وفعلا اخدت القرار ده ودخلت الثانوية العامة وذاكرت واجتهدت وجابت مجموع كبير بعد كده اختارت تدخل كلية الحقوق".
وأكمل الشاب":"وفعلا دخلت الكليه وبدأت تحضر المحاضرات وتذاكر زى اى حد لحد ما جه اليوم اللى تتخرج فيه و بتقدير كمان انا واخواتى عمرنا ما كنا نتخيل انها توصل للمرحله دى".
وتابع الشاب:"احنا بجد فخوريين بيكى يا امى فعلا علمتينا يعنى ايه مفيش حاجه اسمها مستحيل وان دايما فيه امل
انتى مثال للنجاح والطموح ربنا يخليكى لينا وعقبال ما نشوفك احسن محاميه فى مصر لان الحلم و الطريق لسه مخلصش مبروك يا امى".