قصة حب حقيقية
حبيبي دائما بوسي ونور الشريف
كتبت: شيماء محمود
لما اتقابلنا كنا صغيرين أوي أنا كنت في 3 اعدادي
ونور شافني وأنا ماشية مع أنّ في ماسبيرو فعلقت معاه وقال أنا عايز أتجوز دي من أول مرة كده ووقتها كان طالب في المعهد في آخر سنة فهو صغير برضو
وبعدين كانوا بيعملوا مسلسل القاهرة والناس وعملت فيه حلقتين أول مرة قعدنا مع بعض لقيته جايبلي السكريبت
فلما عمل كده استسخفته لأن دي مش شغلته المفروض مساعد المخرج هو اللي يعمل ده
بعد كده ابتدت العلاقة بيننا تتطور هو دمه خفيف بيضحكني وبيعرف يتكلم والأقدار طبعًا بتساعد اللي ربنا كاتبه يحصل قعدنا نعمل بروفات كتير والتسجيل باظ فعدنا البروفات تاني وهو ولد خفيف وشقي وانا بنت صغيرة فطبعًا لقيته لذيذ واتشديت ليه فأنا مع نور من وأنا 16 سنة وعيد ميلادي الـ16 كان معاه
يوم ما جه يتقدم بابا صمّم يكون المؤخر كبير فطلب مؤخر 10 تلاف جنيه وده وقتها كان وااااو ثروة فظيعة وكان لازم يدفع فلوس برضو للمأذون وهو معهوش فروحت لبابا قولتله ليه طلبت مبلغ كبير كده مش ضروري بلاش منه قالي لأ قولتله انت ممكن تكتبه وانا اتنازل عنه وصممت
وناس كتير اتدخلت عشان تقف جمبنا فبابا وافق واتجوزنا
