واقف في مكاني
شعر :هاني الحداد
أيام بتعدّي و بتفوت
وأنا واقف في مكاني لسه
ويا خوفي ل الحلم يموت
قبل ما نبتدي حتى القصه
ويادنيا ليه بتعندينا وجاياعلينا
ولحد أمته تصدينا مبقاش فينا
وإيه أخرتها ويّاكي
ومعاكي ليه ملناش فرصه
سنين بتجري وراها سنين
لا لينا طموح وفيه رغبه
عايشنها وسط اللي عايشين
بالغصب والخوف والرهبه
ويادنيا ليه بتعندينا وجاياعلينا
ولحد أمته تصدينا مبقاش فينا
وإيه أخرتها ويّاكي
ومعاكي ليه ملناش فرصه
ياخساره على العمر المسروق
تايهين في الدنيا وحواريها
يا قمرنا ليه دايماً مخنوق
ملناش خلاص بقى عيش فيها
ويادنيا ليه بتعندينا وجاياعلينا
ولحد أمته تصدينا مبقاش فينا
وإيه أخرتها ويّاكي
ومعاكي ليه ملناش فرصه
أيام بتعدي و بتفوت
وأنا واقف في مكاني لسه
ويا خوفي ل الحلم يموت
قبل ما نبتدي حتى القصه
