بتنسيني
للشاعر والأديب / عماد الدين محمد
بتنسيني
وأنا الواقف على سنيني
أعد الأيام فى بعدك
ويهرب عمري مني وأشيب
ولا يوم لحلمكِ أسيب
أنا العاشق لعيونكِ
أنا الساكن فى دروبكِ
أنا الفنان
رسمت صوركِ
بين السحاب دليل عنوان
ولا عمري قبلت بغيركِ بديل
أنا الشاعر
خليتكِ للديوان عنوان
وأسمكِ حروف قصيدي
ووصفكِ معانى العشق
ويوم ما وقفت وسط الناس
صرخت بإسمكِ وقلت بحبكِ
وهما مش فاهمين
فكريني بقول شعر بس لمين
ليكِ وغنيتكِ لحن وموال
والكل بيحييني
وقالوا عني شاعر الإحساس
وأنا لهجرك بشكيلهم
ودمع العين يوحلهم
إني خلاص وصلت لقمة الإنجاز
بصرخ فيهم بأوجاعي
وبوصف حبي وعنادكِ
بتنسيني
وبعد العمر دا كله معكِ
سيباني واقف على حدودكِ
لا قادر أقرب ولا أرحل
ماأنا خلاص نسيت الدنيا فى وجودكِ
وقلت ياإما أعيش معكِ العمر
ياإما ما تلزمنيش دى حياة
وأسجن نفسك فى سكوتكِ
وإهملكِ وأقول الاااااااااه
وأرضى بحكم أقداركِ
انا قلت خلاص
إيه يلزمني من دى حياة
ما تلزمنيش ولا عاوز حتى أعيش
هاصرخ وأنهي قصيدتي
وكسر قلمي ورشتي
وأنزل وهى معي
حبسها صحيح جواية
وأختم وهما مش فاهمين
أهو شعر حزين
لشاعر عاشق و قال أحلى كلام
قصيدة بدون عنوان
منا لو قلت
إسمكِ ووصفتكِ
ما هاخد غير عتاب وملام
وبعد دا كله بتنسيني
وأنا المحبوس جوه أطلالكِ
لا مني وصلت لحلمي معكِ
ولا عرفت أكون وياكِ
بين السما والأرض
متعلق بأحلامي
ويوم ما هاموت
غُسلي من دموع ندمكِ
كفني من جدائل شعركِ
وقبري مجهول
أو يمكن يكون بين السطور .
