لماذا سميت الحياة بهذا الاسم ؟
بقلم : شيرين كمال
امتى الست بتحلو ؟
حقيقي الست بتحلو لو شريك حياتها حنين بتحلو لما بتتحب ، بتنور لما بتحس بالاهتمام بتتدلع لما تبقي مسؤله من حد ، بتفرح لما بتتعامل كأنها اول و اخر ست فالكون بتبقي عامله زي العروسه مهما تكبر وشها بينور من فرحتها ، ومن حنية رفيق عمرها ، تلاقي قلبها شلال جدعنه و نشاط و عزيمه
و اهتمام بنفسها وابقى قابلنى لو عرفت تحبها ربع ما هتحبك.
بتعافر لما تلاقي خيط امل ، بتستحمل لما بيبقي في رصيد ليك عندها مخلصش بالمشاكل و المطبات ، بتستني لما تآمن
و تصدق ، بتدوب لما تعشق ، بتنسي لما بيجي الشخص الصح في وقته.
بتضحك لما ترضي ، بتحلم لما تطمن بتكسب لما تتكعبل في بحر حب من شخص يستاهلها و نفسه يعوضها و متقبلها بكل ما فيها من سوء قبل حلاوه .
"وما الحُب الا طيب اللسان و لينّ القلب"
متتكسفوش تكونوا حنينين على اللي يستاهلوا حنانكم و حبكم.
متتكسفوش تعبروا عن حبكم ليهم قدام الناس ، متستنوش يحصل زعل و فراق عشان تحسوا بقيمة بعض ، متستنوش حد منكم يفارق التانى.
ربنا سماها الحياة عشان نحيى فيها
و تسعدنا الاشياء.
خافوا على بعض و حبوا بعض الحب بيجى مرة واحدة في العمر هى مرة و بس حبو بعض حب صافي مفيهوش تناقض فرحوا بعض حاولوا متزعلوش من بعض
حسو ببعض الحياة مع حد بتحبه حلوة جدًا.