مسلسل البخيل وأنا
بين الدراما التلفزيونية وواقع الحياة
مسلسل البخيل وأنا
بقلم : مروة محمد عبدالمنعم
تقريباً كده في رسائل بتوصل لنا مضمونها الحقيقي ولكن بعد فوات الأوان زي رسالة مسلسل البخيل وأنا !!!
القصة عبارة عن عزف على وتر موجع وهو أنانية الأب ولكن في إطار شرعي بحجة أنه بيخاف عليهم !!
زي قرص الدواء المُر اللي متغلف بحبة سكر علشان نقدر نبلعه ، فهو غلاف الحرمان بحبة سكر أو برواز بيلمع مشاكل الحياة من البخل والأنانية وعدم تحمل المسؤولية والحفاظ على نعمة ربنا في وجود الزوجة الصالحة والاولاد والمال
كل دا تم تناوله في مسلسل من الكوميديا الساخرة ولكن مع توضيح عواقب وخطورة الأنانية والبخل وعدم تحمل المسؤولية للأب.
البخيل وأنا ليست قصة درامية بقدر ماهى إنعاكس لوقع مُر لكثيرا من الآباء مارسوا عقوق الآبناء بجدارة منقطعة النظير ، ومع الأسف فاكرين أن هو ده الصح ، في وقت في ناس تتمنى بس أنها يكون عندها طفل واحد تفرح به ومع الأسف مفيش حد بيقدر نعمة ربنا إلا بعد فقدانها .
قبل ما تفكر تتجوز فكر الأول هتقدر تكون زوج سوي وأب حنون متحمل كافة المسؤولية تجاه اسرتك وتقدر نعمة ربنا وتحافظ عليها ولا هتكون أب عاق ، تفضل اللعنات ملاحقك العمر كله وحتى بعدما ينتهى عمرك ؛ بدلا من أن تجد فيهم الولد الصالح الذي يدعوا لك .