حكاية الدولار
.jpg)
حكاية الدولار
بقلم الكاتب والشاعر : عماد الدين محمد
حكاية الدولار
هى إيه حكاية الدولار
كل حاجة في حـياتنا غالية
ولما تسال الجواب يبقى الدولار
الحكاية مش دولار
دى حكاية جشع وإنهيار
لما أنزل اشتري
أى حاجة من خير بلدنا
تلقيها غالية ولما تسأل
يقولك الدولار
هى حياتنا كلها
تساوي كام دولار
أرحمونا من جشعكم
بطلوا تخلقوا للطماع أعذار
كل حاجة في حياتنا
من خير بلدنا من أرضها
وأنا عايش في وطن أرضه
بتطرح خير يجري فيها أنهار
فين راح خير بلدنا
كل حاجة بالدولار
قالها يوم راجل وسبها
كل حاجه من صنع أيدك
تصنع حياتك تأخد قرار
حد فيكم عند فكرة
هى إيه حكاية الدولار
بلطجة ومـافيا التجار
يارب ارحمنا برحمتك
أي حاجة من خير بلدنا
مش كل حاجة بالدولار
نقفل الباب علينا
نشتغل نزرع نصنع كل حاجة
ترجع بلدنا لمجدها
تنافس وتكون عمار
وهى دي يابلدي
حكايتنا مع الدولار .