عام الوجع
بقلم الشاعر : طه إبراهيم
ايوه دغري عدى عام
والنهارده كان ختام
حد فاكر عدى كام
عدى دغري والسلام
مين يصدق إنه عدى
ولا طبطب على الاحبه
ولا عبر حد فينا
شكله فعلا كان ناسينا
مش شايفنا بإهتمام
عدى يعني تألش ريح
عدى رغم الليل جريح
عدى يعني أوام أوام
عدى عام من غير كلام
آه يا عم الحاج عام
نفسي اغمض عين وأنام
وانسى آخر لحظة منك
رغم إنك مش تمام
جيت عليا رغم إني
مهما تعمل مش شغلني
حتى سني خته مني
دغري دغري أوام أوام
أيوه دغري عدى عام
والنهارده كان ختام
حد فاكر عدى كام
عدى دغري والسلام
لسه في حبة أنين
نفسي أقولهم من سنين
جوه حلقي محبوسين
عدى عام زي اللي عدى
خد كتير من الناس ووده
خلى كل الناس في شده
جفف الشوق والمودة
المهم العام دا عدى
عدى دغري والسلام
رغم إنه كان حزين
لما داس على المجروحين
واللي عاشوا في الالام
عدى دغري والسلام
حد فاكر عدى كام .