أنا كافر
بقلم : مايسة إمام
أنا كافر بكل كلمة
فيها السم مداري
وكل أسود لابس أبيض
وعنكبوته عشش جوه داري
وكل نبضة بتتلوى
كما أفعى فـي الـبراري
أنا كافر بكل وش مغشوش
راسم الطيبة مجرد رتوش
وفـي لؤمه ولا حد يباري
تشوفه يقولك أنا فـي حالي
مش طمعان ولا محتاج
ولا لحدوي بتجاوز
وطمعه سيل جاري وجارف
أنا سافر لبرقع الحيا دا معه
لازم يكون عاري
لكل حجة هيقولها أنا معافر
ومن كل اللي على دينه
أو المله أنا نافر
يعلى صراخ السنين جوايا
يقول أنا بوجودك
هعيش اللي باقي من عمري
فخور إن أنا كافر .