معلومات هامه للحفاظ على المواد الغذائية
عوض عبده الكومى
- نضيف نقطة زيت على وش برطمان الصلصة عمرها ما تعمل عفونة
- عصير الجوافه أو الموز عليه نص ليمونه يمنعة من السواد
- عند تخزن الفراخ نقطع معاها شرايح ليمون ونضعها بعد ما تتصفي كويس فى كيس التخزين
- لا نقوم بالفتح على الفول كتير أثناء التدميس الهواء هو اللى بيخلى القشرة بتاعته تسود وياريت يتسوى فى إناء فتحته ضيقة زى الدماسة عشان نقلل مساحة احتكاك سطحه بالهواء
- شوية خل فى مياه غسيل المواعين بتفرق كتير بتمنع التصاق الصابون وبتنضف وتطهر وتلمع المواعين
- فصين توم ع البسلة بتغير الطعم تماما للأحلي
- للاحتفاظ بالخضره وقت أكتر ضيفي معلقه
أو شوكة معاها فى كيس التخزين ونقفل الكيس جيداً بعد ما نفضي منه الهوا
- لحفظ الليمون نلف كل ليمونه فى ورق فويل
او ورق جرايد ونضعهم فى علبه كده بيعيش مده أطول
- بعد تتبل البانيه نضيفه فى البقسماط وعلى الفريزر نص ساعه هيتماسك معانا ومش هيفك ابدا وقت بنحمره
- لو عندك كاتيل استانلس إغلي فيه مياه وملح ليمون حينضف ويبقي بيلمع
- اللحمه مش لا يوصع ملح إلا في آخر نص ساعه وشوية سكر صغيرين ونص معلقة صغيرة بيكربوناتو لو اللحمه كبيرة بيساعدوا على التسويه بسرعه
- ما نضيفش زيت وإحنا بنسلق مكرونة هنستخدمها فى بشاميل أو وايت صوص عشان بيزحلق الكريمة من على المكرونة وبتبقى كأنها مسلوقة
- البصل الأبيض للطبخ والأحمر للسلطات والساندوتشات
- نشوح الفراخ بملح وفلفل قبل ما نضيف مياه الشوربه بتفرق جدا فى الطعم
- معلقة صغيرة خل مع شوربة الرز بتخليه يطلع أبيض زاهى ومفلفل وشكله جميل
- نضيف على عصير الليمون ربع كوبايه لبن بيبقي تحفه
- الطماطم بعد ما تتعمل بالخلاط بتتصفي من القشر والتفل عشان مايبقاش فيها طعم مرار
- للتخلص من اي دهون على البوتجاز كربانوتو وملح ليمون وخل بتشيل اي دهووون
- لو مش عاوزين الكفته تكش مننا نضيف معلقه بقسماط ونص معلقه بيكنج بودر عليها
بالهناء والشفاء مع أرق تحياتى