جنحة الضرب في القانون المصري

 معنى كلمة شيف

بقلم 

 الشيف / عوض عبده الكومى

شيف يعنى رسام وفنان .

شيف يعني النظافة يعني العبقري في اختراع الاكلات الجديدة.

 شيف يعني بينفذ اهم شي في الحياة

 "الاكل" اللي ما حدش يقدر يستغني عنه.

 شيف يعني الثقافه والمعرفه بكل علوم الحياة (عشان يقدر يحافظ علي صحتك لأن الشيف

 ما بيعملش الأكل وهو جاهل)

ودا لانه لازم يعرف طبيعة الشعوب عشان يقدر يعملهم الاكل المناسب ..

ولازم يعرف جميع الأمراض وايه هو الأكل اللي يتناسب مع كل مرض وايه هو الأكل اللي ممكن يعمل حساسيه مع الشخص المصاب

 بمرض معين ..

 ولازم يعرف انواع البكتيريا والاماكن المتواجده فيها وازاي بتتنشط وايه سبب وجودها بكل الاكلات وازاي يقدر يقاومها ويتغلب عليها علشان يحافظ علي صحة الزبون..

 علشان كده الضيف المريض بمرض معين بيطلب مقابلة الشيف عشان يعرفه انه مريض بمرض معين والشيف بعلمه يقدر يطلع الاكل المناسب للضيف..

 لو الشيف ما عندوش المعلومة ومش عارف ... كان زمان الناس كلها ماتت؟؟

 الشيف من اكتر الناس الملتزمة و النضيفة

 و المبدعة ،ومن اكتر الناس اللي بيحبوا شغلهم جدا...

 شيف  يعني ما بيطلعش يقضي طلبات بيته وقت الشغل وما بينامش ويعطل مصالح الناس لان الشيف ملتزم جدا..

ببساطه جدا كل الحاجات اللي انت محتاجها هتلاقيها في الشيف..

شيف: يعني اكتر شخص مثمر للسياحة واكتر واحد بيشرف بلده ..

 ملحوظه 

((الشيف بيلبس جاكيت ابيض نضيف))

اذا كان الدكتور والممرض بيلبسوا ابيض ،الشيف كمان بيلبس ابيض..

 واذا كانت مسئولياتهم كبيره ، الشيف مسئوليتة اكبر لانه زي ما قلت هو واجهة الدولة في قطاع السياحة .

لو الشيف مش كويس وشغله مش كويس ومشاكله كتيره مفيش سياح هتنزل البلد .

 هو ليه انت اخترت مهنة الطهي ؟

أولا :

مهنة صعبة جدا يا إما تشتغل قدام النار

 أو تمسك سكينه .

ثانيا :

  الشيفات زي المحاربين كل واحد فينا بيتباهي بالندوب و الجروح و الحروق الناتجة عن المهنه..ولا يمكن يقدر ينساها لان هذا الجرح علمه اكتر 

ثالثا :

  دايما شغلنا وقت ما كل الناس بتكون بتريح

 و بتحتفل و مبسوطه 

(اعياد، افراح، وأي مناسبات اخري) .

رابعا :

 حياتنا الاجتماعية تكاد تكون معدومة.

خامسا :

 ضغط نفسي و عصبي رهيب الاوردرات 

و كومنتات الزباين وغياب بعض الناس اللي شغاله معاك بيحطك دائما تحت ضغط قوي جدا..

 لذلك  ....

اذا كانت لديك قدرة الاستحمال علي كل اللي فات ده كله بتكون مستمتع في الشغل ده..

 يبقي انت فعلا شيف ! شيف ! شيف !

-احنا بنرسم البسمة علي وجوه عملائنا بطعم

 ونكهة الاكل..

فإذا انطبق عليك كل الكلام فابتسم دائما

اللهم لك الحمد والشكر كما ينبغي لجلال وجهك وعظيم سلطانك ( اللهم زدنى علما )