فرجه قريب
للشاعر / هاني الحداد
إدعو معايا وقولوا يارب
فرجه قريب
إدعو بحس و روح وبقلب
كل حبيب
إدعو بكل حماسه وهِمَّه
ربنا يكشف عنا الغمه
ولا يوم شمسك يا أجمل أمَّه
عنا تغيب
إدعو معايا وقولوا آمين
بضمير حي
وأنا عن نفسي كلي يقين
بس شويه صبر و حكمه
هنعدي ونفوق من الأزمة
وهنطلع م الليل و الضلمه
أكيد على الضي
إدعو معايا وقولوا آمين
بقلب سليم
وأنا عن نفسي كلي يقين
برب رحيم
بس نقوي بعض ببعض
ونحافظ ونخاف على بعض
نتعاهد و نصون العهد
لوجه كريم .