رمضان كريم
شعر عامية .كلمات طاهر فتحي
بلاش نقول ونعيد
شعبان ما أضحى بعيد
واليوم بيدق بابنا
رمضان أبو خير أكيد
أقبل يا شهر الصوم
كل الحيارى تقوم
تقرأ
تصلى
تصوم
لحد يوم العيد
يا بركة القرآن
وموائد الرحمن
ورسائل الغفران
لمن يريد هيفوز
مابقاش شياطين لئيمه
تقولك مش حرام
ولا دى مش جريمه
أضحى الغربان حمام
داحنا في شهر الصوم
الراجل العجوز
سايب الدنيا وقائم
على فين
يا عم هايم
يقول عايز اصوم
كفايه العمر نايم
هقضى شهرى صائم
ويعنى ربى أقوم
لحد يوم العيد