على بابك
شعر غنائي هاني الحداد
على بابك واقف مستني
والورد في إيدي
بتمنى لو يعني تحني
يبقى دا يوم عيدي
على بابك واقف مستني
تعطفي وتميلي
والشوق جوايا بيسألني
مالها قمر ليلى
على بابك واقف على بابك
ولحد ماترضي
ياللي إنتي أجمل أحبابي
وبلادي وأرضي
على بابك واقف مستني
نفسي أبقى ونيس
جايلك طير هايم متحني
مليان أحاسيس
على بابك واقف مستني
بحلم بلقاكي
ولا أفكر يوم أبداََ إني
أبعد وانساكي
على بابك واقف على بابك
ولحد ماترضي
ياللي إنتي أجمل أحبابي
و بلادي وأرضي