عشاق
شعر غنائي : هاني الحداد
عشاق وليالي سهر
وقمر مشتاق
عشاق و كلام وغرام
حب وأشواق
نظرات عيون
ضحكة شفايف
وحنان يطمن
كل اللي خايف
وإن قالو مين المغرمين
قولنا عشاق
عشاق وقلوب دايبه
في أجمل إحساس
عشاق عايشين للحب
وللإخلاص
يوفو الوعود
دي قلوب رقيقه
زي الطيور
طاهره و بريئه
وإن قالو مين المغرمين
قولنا عشاق
عشاق وعيون سارحه
في جنة أحلام
عشاق هايمين في ليالي
هوا وغرام
بحنين وشوق
تغزل غناوي
تنعش فؤاد
كل اللي غاوي
وإن قالو مين المغرمين
قولنا عشاق