جبر الخواطر
جبر الخواطر
بقلم : وفاء العش
السبت 27 نوفمبر 2021 11:35 ص
تقولي ايه اكتر حاجةتوجع قلبك أقولك لو شفت طفل لسه ملبسش هدوم شتوي ولما تقوله البس حاجة تقيلة يخجل ويقولك بابا لسه هيجيب عارفيين الكسرة في الكلام دي ممكن تقفل شرايين القلب أو شاب يحسسك أنه جامد ولسه برده مش لابس حاجة تقيلة ولو سألت عنه تلاقيه لابس صيفي بالعافيةمن سوء حالته أنا كاتبة الكلام ده علشان حاجة واحدة نفسي كل اللي معاه يحس بغيره بجارك بصاحبك بقريبك
حسوا ببعض يا جماعة الدنيا مش دايمة وممكن خير اعمله أو جبر خاطر يترد بطريق وبجبران خاطر اكبر من غير ما تحس جبر الخواطر شيء عظيم لأصحاب النفوس الطاهرة حب الخير للغير مساعدة الغير مش هتقدر تساعد غيرك علي الأقل احفظ لسانك متسألش غيرك لابس مش لابس
متحرجش غيرك خليك حساس بالغير الإحساس نعمة
أظن كلنا امبارح شفنا وسمعنا سيادة الرئيس وهو بيتكلم مع سيدة مسنة من أسوان بيقولها أي ضرر هنشيلوا احنا وفرنا السكن كامل بكل تجهيزاته مش ناقص غير تأخذوا شنطة هدومكم وعلشان يجبر بخاطرها ومراعاة لمشاعرها قالها وممكن كمان نجيب الهدوم كمان ده حقكم كل ده من خير مصر
أذ ايه موقف إنساني بيثبت للدنيا كلها إن سيادة الرئيس حاسس بنا واحنا في قلبه وعقله
كتير طبعا هيهاجمني ويقول إحنا تعبنا الفترة دي أوي مش هنكر انها فترة صعبة علي الكل بس كلنا ثقة بالله وثقة برئسنا إنها هتعدي بدليل بعد إصلاح الطرق والكباري بدأينظر للمواطن البسيط في حياة كريمة ولسه الخير جاي بلاش التشاؤم لازم نسلط الضوء برده علي الإيجابيات كفاية انتقاد في النظام وخلاص هيجي اليوم اللي انت وولادك تلمسوا التطورات دي عن قرب في كل حاجة ولعل الناس اللي بتسافر علي الطرق الجديدة فاهمة ولمسة كل ده كويس وأد إيه فرق معاهم في الوقت والجهد
وكمان العاصمة الجديدة ناقلة حضارية جبارة ومبادرة حياة كريمة والإهتمام بالصحة والمرأة والتعليم وتطويره
حفظ الله فخامة الرئيس عبد الفتاح السيسي الأب الروحي لكل المصريين وكلامي ده مش نفاق ولا تطبيل يشهد الله علي ذلك ده واقع لمسته وعلشان كده حبيت اعبر عنه .
غدا أفضل بإذن الله