اسباب ارتدائك للحجاب؟
بنتي الصغيرة (المفعوصة)
كتبت: شيماء محمود القاهرة
خوفت و اتكسفت من نفسي لان بنتي لابساه و هي صغيرة اوي كانت عندها ١٧ سنه و بتقرأ قرأن كتير و بتدرس ماشاء الله
يعني العدوى انتقلت منها ليكي
لا مش عدوى انا اتكسفت أن بنتي ملمه بدينها و انا كل اللي شاغلني التمثيل فقولت هو انا أقل من المفعوصه دي عشان معملش زيها
خوفتي من ايه ؟
خوفت من ربنا و من الحساب لان اي ممثلة هتتحاسب على حسب اخلاقها يعني اذا كانت اتعرت اوحضنت أو باست أو قالت كلمة بذيئه كل ده هتتحاسب عليه
ايه رأيك في اللي بيقول أن الممثله لو اتحجبت تقعد في البيت ؟
ياريت بس انا بشتغل عشان الفلوس لاني معنديش مرتب اعيش منه و اسيب التمثيل عايزني اقعد اصرف عليا انت والله انا مش بهزر مش هتعرف تعمل كده يبقا بلاش تلاسن والله الحمد لله مستوره وربنا موجود و بيسهلها والله
وكفاية اني مبسوطة و بنام مرتاحة انا مش مجبرة على التمثيل لاني قررت اقدم الفن اللي فيه رسالة
اللي فيه كلمه حلوه لان في نوع فن كويس اللي هو الفن المؤدب الفن اللي بيقول كلمه الفن ده راقي بس الفكره هي هنستعمله ازاي
انا مبسوطة كده و مرتاحة الحمد لله