الفنان المُسالم صاحب المسيرة الطيبة عاش في سلام ومات في سلام.
كتبت : شيماء محمود
الملفت في حياة " احمد خليل " انه كان شخص في حاله مش بتاع شو و لا مشاكل ولا اثارة جدل لا عمرنا سمعنا له عن خناقة مع حد او مشكلة كان طرف فيها.
نضيف على كدا ان ظهوره ع الشاشة كان عزيز و في محله كان دقيق جدا في اختياراته مش بتاع اي عمل و السلام
و ده جزء من اخر حوار ليه مع محمود سعد بيقول
" انا رأيي انه الفنان حُر في إختياره بس هو ايضاً مسؤول عن هذه الاختيارات و يُسأل عنها و انا ما أحبش إن انا أُسأل عن اختيار اكون اخطأت في ممارسته ف دا دايماً كان في ذهني من اول ما ابتديت الشغل و احمد ربنا و اعتقد ان انا في كل حياتي الفنية ما اخطأتش مرة في الإختيار
و انا بقصد بالاختيار انه ما عملتش عمل اخجل منه وانا في السن دا و اقول يا ريتني ما عملتوش "