الفنانة شادية تتبرع بأجورها وتبرعت بأرض لعمل الخير
كتبت - شيماء محمود القاهره
فى مسرحية ريا و سكينة الممثلين يحصلون على أجورهم فى المسرحية كل ١٥ يوم لكل ممثل ظرف خاص به إلا شادية وهى الأعلى أجر ، بتأخد ٤١ ظرف واحد مليان فلوس وده أجرها عن دورها فى المسرحية و أربعين ظرف فاضى .
الست شادية بتأخد الفلوس من الظرف المليان و تحطهم فى الأظرف الأربعين الفاضية و تمر على عمال المسرحية و الكومبارس و تدى لكل واحد ظرف
و اللافت للنظر إن شادية مش بتستدعيهم ولا تبعت لهم حد و لكنها بتروحلهم بنفسها
و ده مش غريب على شادية إللى لما عرفت إن الممثله سميحه توفيق الذى قامت بدور (الهبلة الحمارة أم بدوى فى المسرحية) مريضة بالكبد قعدت تصرف على علاجها لمدة تقترب من ٣٠ سنه حتى وفاة سميحة توفيق فى ٢٠١٠
و فى بداية التمانينات شادية عرفت إن الدكتور مصطفى محمود بيبنى مركز طبى عند مسجده بشارع جامعة الدول العربيه بالمهندسين إتبرعت بشقتها لبناء أول وحده لإكتشاف مرض السرطان و كانت الشقة سبع غرف و قيمتها وقتها كان ١٥٠ ألف جنيه يعنى أكتر من ١٠ مليون جنيه حاليا
و سكنت شادية مع والدتها فى شقة إيجار عند حديقة الحيوان بالجيزة
و كمان إتبرعت بأرضها فى حى الهرم لبناء مجمع طبى .
كل دا كان بعض من أعمال الخير للفنانة شادية وقد يكون هناك الكثير لا نعلم عنه شيء .