عنوانك إيه
شعر هاني الحداد
قوللي عنوانك إيه
بتخبي عليا ليه
صدقني مهما يكون
حاجيلك جري عليه
مايهمش ساكن فين
أو أروحلك بس منين
عرفني إيه العنوان
وأنااجي في غمضة عين
ليه بس إنت مكسوف
وعنيك مليانه بخوف
وكل مااحاول اعرف
بتهرب مني ليه
قولي عنوانك إيه
بتخبي عليا ليه
صدقني مهما يكون
حاجيلك جري عليه
مهما داريت أو خبيت
عني عنوان البيت
عنوانك عارفه كويس
من أول يوم حبيت
أيوه ولأني بحبك
مش ممكن أجرح قلبك
يعني مش فارقه معايا
عنوانك هوه إيه
قوللي عنوانك إيه
بتخبي عليا ليه
صدقني مهما يكون
حاجيلك جري عليه