حلوه الحياه
شعر _ هاني الحداد
حلوه الحياه
حلوه المبادئ والمثل
طعمه الحياه
طعمه وزبادي بالعسل
إوعاك لحد يهمدك
ويبعدك عن سكتك
إوعاك لحد يحبطك
ويحيدك عن رغبتك
وإوعاك تسلم للغلط
مهما حصل
إفتح بيبانك
ل اللي جي بكل شوق
وإفرد دراعك
ل السما واوصل لفوق
هتلاقي قمره مسلمه
مستنياك متبسمه
صحيح بعيده إنما
في قربها بالك يروق
إوعاك لحد يهمدك
ويبعدك عن سكتك
إوعاك لحد يحبطك
ويحيدك عن رغبتك
وإوعاك تسلم للغلط
مهما حصل
أيوه انت صح
واللي بيلومك غريب
م المستحيل
تبقى يعني الطيبه عيب
وقول لصوت عقلك آمين
دا في كل شرع وكل دين
ربك نصير الطيبين
بالمحسنين جابر مجيب
إوعاك لحد يهمدك
ويبعدك عن سكتك
إوعاك لحد يحبطك
ويحيدك عن رغبتك
وإوعاك تسلم للغلط
مهما حصل
حلوه الحياه
حلوه المبادئ والمثل
طعمه الحياه
طب طعمه وزبادي بالعسل .
