ليك حق تتغير
بقلم الشاعر : هاني الحداد
ليك حق تتغير
وتشوف أحباب تانيين
ليك حق ياصغير
مابقينا مش عاجبين
لكن وحياتك إنت
ياللي مبقيتشي إنت
بكره الزمن يتغير
ويجيبك الحنين
مش هقولك ليه
بعت قلبي ليه
ونكرت ليه خيرو
إذا كان دا يرضيك
وحبي هان عليك
وجريت ورا غيرو
لكن وحياتك إنت
ياللي مبقيتشي إنت
بكره الزمن يتغير
ويجيبك الحنين
ليك حق تتغير
وتشوف أحباب تانيين
ليك حق ياصغير
مابقينا مش عاجبين
مش هقول إزاي
تنسى حبي إزاي
وتبعني وأنا شاريك
إذ كان كدا عاجبك
يبقى ليه أعاتبك
أو حتى أفكر فيك
لكن وحياتك إنت
ياللي مبقيتشي إنت
بكره الزمن يتغير
ويجيبك الحنين
ليك حق تتغير
وتشوف أحباب تانيين
ليك حق ياصغير
مابقينا مش عاجبين .