الناس اتغيرت
شعر هاني الحداد
الناس اتغيرت
مبقتشي زي زمان
الناس اتغيرت
مبقاش ليهم أمان
كله بيدور على نفسه
ولاحد بينفع غير نفسه
مبقاش فيهم ليه إنسان
لو واحد فيهم شافك
يخدك بالاحضان
و يقولك إيه أخبارك
فينك من زمان
و يدوب تديله ضهرك
يجرح ناسك و أهلك
غاب الوفاء عنهم
ضاع الضمير منهم
و اللي مأمّنهم
سيرته على كل لسان
كله بيدور على نفسه
ولاحد بينفع غير نفسه
مبقاش فيهم ليه إنسان
الناس اتغيرت
مبقتشي زي زمان
الناس اتغيرت
مبقاش ليهم أمان
اللي بيكدب وينافق
تلاقيه في أعلى مكان
واللي طول عمره صادق
مالوش ولا أي مكان
و ناس على كل لون
بألف شكل و لون
غاب الوفاء عنهم
ضاع الضمير منهم
و اللي مأمّنهم
سيرته على كل لسان
كله بيدور على نفسه
ولاحد بينفع غير نفسه
مبقاش فيهم ليه إنسان
الناس اتغيرت
مبقتشي زي زمان
الناس اتغيرت
مبقاش ليهم أمان