محمد هاني لاعب الأهلي لاعب من طراز رفيع
كتب -خالد عصام
عشان منبقاش قاسين زيادة في أحكامنا .. من فترة صغيرة جداً الناس كلها بدون استثناء كانت بتشيد بأداء محمد هاني في كاس العالم للأندية وانه أجاد مع ناس تقيلة زي ألفونسو ديفيز وجنابري وغيرهم ومن قبلهم في بطولة إفريقيا
بن شرقي في الزمالك ومن قبله الحداد لاعب الوداد المغربي وفترة كانت كويسه جداً لمحمد هاني .. ولذلك بعد كل الإشادات التي صاحبة اللاعب خلال الفترة الماضية،
مرة واحدة محمد هاني يكون معندوش فكرة ونسي الكورة زي ما ناس بتقول.
المستوي الحالي لهاني أكيد ميرضيش ناس كتير لكن مش عايزين ننسي انه يعتبر لسه راجع من إصابة طويلة، ومش عايزين تألق أكرم توفيق يكون السكينة اللي بنخلص بيها على محمد هاني .. محتاجين ده ومحتاجين ده ، وفي نفس الوقت محمد هاني محتاج يدوس على نفسه أكتر ويكون تألق لاعب زي أكرم حافز ليه مش العكس، وانه ميوصلش نفسه لإحساس انه خلاص فقد مركزه وان أكرم بقي أساسي عليه .. الفترة القادمة الاهلي يحتاج مجهود كل لاعب وان الجميع يكون في قمة مستواه لان ده أكتر شئ مفيد لنادي الاهلي خلال الفترة المقبلة ، جماهير الاهلي منتظرة عودة محمد هاني صاحب الاداء المشرف بكأس العالم للأندية وبطولة إفريقيا الذي أشاد به الجميع
