مجهود رونالدو يجعله دائما اسطوره
كتب - خالد عصام
لك ان تتخيل ، ان هذا الاسيست كان سببا في تتويج " كريستيانو رونالدو " بجائزة الحذاء الذهبي كهداف يورو 2020
في تصريح سابق لالسير أليكس فيرجسون " منذ ١٢ عاما قال فيه : " رونالدو لديه كل الصفات اللازمة ليصبح أسطورة
اعتقد لو لاعب تاني غير " رونالدو " كان هيستسلم للأمر الواقع ان الكورة سريعة وخارجة برة كدة كدة زي ما لعيبة المانيا وقفت جري لان الكورة متشافة انها برة خلاص بالنسبة لهم و مع نتيجة 4 / 1 كمان لالمانيا و الماتش خلاص شبه منتهي و كدة كدة البرتغال خسرت نقاط المباراة .
و لكن رونالدو دايما في لحظات اجتهاده اللي غيره شايفها مش مستاهلة بتكلل دائما بنتائج و هذه المرة هيا أغلي نتيجة " هداف يورو 2020 " في عمر السادسة و الثلاثين ️ .. نعم أليكس فيرجسون كان يقصد تلك التفاصيل الاجتهادية الصغيرة التي دائما تجعل رونالدو " اسطوري " مهما اختلف الزمن ..
اسمحولي اقولكوا " رونالدو " عمل ايه في يورو 2020 في ٤ ماتشات بس و في سن ٣٦ سنة
١ - رونالدو في يورو 2020 وصل للمباراة الشخصية ال ٢٥ في تاريخه في اليورو ، كاكتر لاعب مشاركة في تاريخ هذا العرس الاوروبي ..
٢ - رونالدو في يورو 2020 فك شراكة الأكثر تهديفا في البطولة مع الفرنسي " ميشيل بلاتيني " برصيد ٩ اهداف ، و انفرد بحاله و بنفسه بعيدا في صدارة هدافين هذا العرس الاوروبي برصيد 14 هدف " هداف اليورو التاريخي " ️ ، و مفيش حد بيلعب كورة حاليا قريب منه شوية في الرقم غير " جريزمان " اللي بيمتلك ٧ أهداف يعني نص اهداف رونالدو ، باقي اللعيبة كلها في ترتيب الهدافين حتي حد ادني " ٥ اهداف " جميعهم اعتزلوا كرة القدم ..
٣ - رونالدو في يورو 2020 قدر يوصل لرقم " ميروسلاڤ كلوزة " برصيد ١٩ هدف و كمان قدر يعديه و اصبح ٢١ هدف كأكبر هداف اوروبي ل البطولتين الرسميتين الكبري مع بعض " كاس العالم - اليورو " ، ١٤ هدف في اليورو ، ٧ اهداف في كاس العالم ️ ..
٤ - رونالدو في يورو 2020 اصبح اول لاعب برتغالي يسجل في جميع مباريات دور المجموعات " اول ٣ ماتشات في البطولة " ️ ..
٥ - رونالدو في يورو 2020 اصبح اللاعب الوحيد في تاريخ اوروبا اللي يسجل ٣ اهداف او اكثر في ٣ نسخ مختلفة من اليورو ، " يورو 2012 : ٣ اهداف ، يورو 2016 : ٣ اهداف ، يورو 2020 : ٥ اهداف " ️ ..
٦ - رونالدو في يورو 2020 هو اللاعب الأكثر مساهمة في الاهداف برصيد ٦ اهداف ، سجل ٥ اهداف و صنع هدف هو الاعظم صناعة في يورو 2020 ️ ..
٧ - رونالدو في يورو 2020 قدر انه يعادل رقم الإيراني المعتزل " علي دائي " كأكثر هداف دولي في تاريخ كرة القدم برصيد " ١٠٩ هدف " ، رونالدو ينقصه هدف واحد فقط عشان يفض الشراكة مع " علي دائي " و يصبح الهداف الدولي الاول في تاريخ كرة القدم ️ ..
٨ - اخيرا ، رونالدو في يورو 2020 اصبح اللاعب الوحيد في اوروبا اللي يسجل في ٥ نسخ من اليورو طوال تاريخها
يورو 2004 / هدفين
يورو 2008 / هدف
يورو 2012 / ٣ اهداف
يورو 2016 / ٣ اهداف
يورو 2020 / ٥ اهداف
رونالدو معندوش تعريف محدد لكلمة " العمر " ، رونالدو دايما عنده تعريف شديد اللهجة مع كلمات مثل " الاجتهاد - الحماس - الفرصة " ..
طول ما هو عايش قادر يدي و يتفوق علي نفسه و الدليل أرقامه اللي بتزيد مع تقدم العمر و مش بتقل و دي ظاهرة كل اللعيبة العظيمة انهزمت فيها ما عدا رونالدو اللي قرر يهزم اصعب ظاهرة بتيجي علي لاعب كرة القدم و هيا تقدم العمر ..
اخيرا ، سأعيد و اكرر مقولة " فيرجسون " عن رونالدو : " رونالدو لديه كل الصفات اللازمة
ليصبح أسطورة " .
