من حكايات الدكتور مصطفي محمود
تقرير - شادى المعداوى
قال الدكتور مصطفى محمود فى إحدى حكايتة
كان فيه راجل يبيع جرايد بجوار حديقة الحيونات بالجيزه
كنت أمر علية كل يوم بعد توصيل زوجتى للعمل أقف معاه
بعض الوقت وبعد كدة أشترى منه جريدة الأهرام علشان أتعلم أسلوب الكتابه لكن علمني حاجة أهم من ذلك
هذا الراجل علمني درسآ مهم جدا للعمر كلة
لما كنت أسأله أخبارك اية انهاردة يقولي في نعمة الستر
فاندهشت من الإجابة وسألته ليه الستر تحديدا
قال لى لأني مستور من كل حاجة
يقول لة الدكتور مصطفى ستر ايه يا حاج ده إنت البلوڤر بتاعك فيه رقعتين مختلفين اللون
فلما أحس بعدم فهمى لكلمة الستر فبادر بالشرح
قال الستر ده أنواع
لما تكون مريض بس قادر تمشي علي رجلك ده ستر
من مذلة المرض
لما جيبك يكون فيه جنيه يكفيك تنام متعشي حتي
لو عيش حاف ده ستر من مذلة الجوع
لما تكون تملك ملابس تحميك من البرد حتى لو مرقعة
ده ستر من مذلة البرد
لما تكون قادر تضحك وأنت حزين لأي سبب ده ستر
من مذلة الكسرة
لما تكون قادر تقرأ الجريدة اللي في أيدك دى ستر
من مذلة الجهل
لما تقدر تتصل فى أى وقت بأهلك تطمنهم عليك وتطمن عليهم ده ستر من مذلة الوحدة
لما تكون عندك أي وظيفة حتي لو بياع جرايد زى حالاتي بس مش بتمد أيدك لحد ده ستر من مذلة السؤال
لما يكون ابنك ربنا مبارك في صحته وتعليمه وبيته
ده ستر من مذلة القهر
لما يكون عندك زوجة بنت حلال وشايلة الهم معاك
ده ستر من مذلة كسرة الراجل قدام زوجتة
الستر يا أبنى
مش ستر فلوس الستر ستر نفوس
تذكر إنك تملك نعم يتمناها ملايين البشر إنها نعمة الستر
اللهم أسترنا بسترك الجميل في الدنيا و الآخرة
