الحارس والجنيه
قصة قصيرة
تأليف : صلاح الحوتى
في واحد غاوي وفي واحد ناوي وفي واحد بيفكر
وفي نا س بتنام في الشارع وناس دايرة تلف في الشوارع وناس عايشين في نعيم
نايمين على ريش نعام وماحدش داري بيهم ولاهما دارين باللي في الشارع....
وكان في راجل فقير حارس على عمارة من كثرة شيله الهم للمال وكثرة العوز حلم بالجنيه..... قال ايه؟
الجنيه خبط على باب الناس الفقراء( تن تن تن)
الفقير : مين . مين بيخبط
الجنيه : انا الجنيه
الفقير : عاوز ايه ياجنيه
الجنيه : اخويا عندكم
الفقير: ( ادخل يده في جيبه) اخوك يادي الكسوف اخوك بقاله فترة مازرناش
ياجنيه وممعناش ولا جنيه اتفضل نعمل واجب لحد مايجي اخوك بللسلامة
الجنيه: لا لا لا سلامات
(وذهب الجنيه الى مدخل العمارة وترك الحارس متجها للناس الاغنياء باحثاً عن اخيه فركب المصعد وضرب الجرس وحدث الاتي )
الاغنياء ناظرين من العين السحرية وقالوا مين مين ضرب الجرس
الجنيه: انا الجنيه اخويا عندكم
الاغنياء : اخوك طبعا عندنا موجود من بدري واخد الشاور وقاعد قدام الدفاية وبيتفرج علي مسلسل "المال والبنون"انتا ايه مخرجك في الجو الساقعة ده ياجنيه المطرة والطينة والدنيا روبة وهدومك وسخة ومش نضيفة
الجنيه: عاوز اشوف اخويا
الاغنياء : اتفضل ياجنيه بس لو سمحت امسح رجليك (ودخل الجنيه يزور اخوه الجنيه عجبته القعده ومخرجش تاني ) عجبي