يا مصر
بقلم
محمد راشد
في كل أذان
فجر ظهر وعصر
بدعيلك دايما يا مالية القلب
وآدي الأذان
بيقول الله أكبر
مغرب وعشاء
يحرسك يا غالية
والله فيكي
ماحد بيبات من غير عشا
حاميكي المولى
من كل شر
مهما يحاولوا يزلزلوكِ
ولا حتي شوية يخلوكِ
في حزن حتى
يوم العيد
برده قوية
وراسك للسما مرفوعة
عمر ماحد يقدر
ييجي على ايد ولادك
ولا بطريقة ملوية
دول أبطال
في كل شبر فيكِ
واقفين
شمس وبرد
والله ماهو فارق
أهم حاجة انتي تعيشي
يا بلدي ياللي كل يوم بتزفي عريس
شهداء بالملايين
والنهاردة اربعتاشر شهيد بالعريش
من ارهاب اسود خسيس
والله يا جيش
احنا وراك جيش
هانقضي بادإذن الله على كل خاين
في الجنة يا شهيد
انت واخوك في عيد
ويوم العيد
ده بالنسبالي فرحة الشهادة