نيلنا لا ينضب
بقلم : سناء العاجز
يانيل مالك حزين
ياساحر اتغنى بيك شعراء وعاشقين
من همساتك سحرت قلوب العاشقين
والقمر على مَيّتك يرقص
مع هواء يشفى العليل
وبنورك تروى نبض قلوب حب وحنين
على شطك واقف عشاقك ليل نهار
هتفضل خالد على مر السنين
ميّتك ولا يوم تنضب.
لو قفلوا عليك المنبع
ولو بنوا مليون سد
رب السما عنده المداد والمنبع
من فوق سابع سما تنزل سيول
تملى بحور والسد يغور
ولا نهضة ولا تقوم
فوق ارادة الله
و شعب مصرى سودانى
ورئيس حكيم
ونيلنا الخالد لا يجف ولا ينضب
ومن طينته السمرا القلة
تروى قلوب العطشانين
