هجوم النادي الأهلي الموسم القادم نار
كتب /خالد عصام
خط هجوم أكبر واحد فيهم عنده 25 سنه _شريف _والأخرين 22 سنه يعني مشروع لخط هجوم يدوم 10 سنين علي الاقل في الأهلي في مستوي ال top level
شريف المهاجم الوهمي والفينشر اللي يقدر يلعب في ماتش مفتوح ويصلح لأي أسلوب لعب أو طريقه سواء لعبت ب رأس حربة أو أتنين وكمان بيلعب جناح سواء ايمن او أيسر
صلاح محسن الأكثر شمولية عن شريف اللي مميز انه بيقدر يقف عالكورة وسريع بيها أو بدونها وكمان مميز في ضربات الرأس ويقدر يلعب عالاطراف
ريان المهاجم الصندوق اللي خطورته كلها في ال box بارع في التحرك بارع في الكرات العالية في تطور كبير جدا باللعب بالقدم ولو هتلعب كرات عالية وعرضيات لو اتاحت ليه 3 كور هيسجل منهم هدف عالاقل .
كمان لو عايز ترجع عمرو جمال علشان يكون عندك مهاجم شبه ريان علشان لا قدر الله حصل اي إصابة يكون عندك نفس البروفايل بتاع ريان
مستقبل الهجوم ب خير لسنين طويلة المهم الحفاظ عليهم وقليل من الصبر والدعم لن تحتاج رأس حربة أجنبي وتقدر توفر الأجانب عالاطراف
خط هجوم الأهلي الموسم المقبل مسجل لحد الان اكتر من 40 هدف في كل البطولات ولسه العدد قابل للزيادة وقد يصل ل 60 أو أكثر
التنوع موجود ، معدل الإعمار عظيم جدا ، الكواليتي موجود، كل شيئ علي مايرام فقط يحتاجون
التوفيق لا أكثر
