عروسه بخمسه جنيه
كتبت- هدي الصافي
رضا محمد تاجر أسماك أبناء محافظة الإسكندرية، والذي قرر توديع العزوبية مؤخراً، بالبحث عن عروس باستخدام زبائنه، من خلال كتابة رقم تليفونه على ورقة فئة 5 جنيهات.
«يا رب زوجة صالحة»، جملة كتبها «رضا» على ورقة فئة 5 جنيهات، وتبادلها مع زبائنه بهدف مساعدته في البحث عن عروس المستقبل: «للأسف ملحقتش أتجوز وكنت مشغول طول الوقت أني أشتغل وأجمع فلوس وأساعد أهلي في مصاريف البيت وزيادة الدخل والعمر مر بيا من غير جواز ولا بيت واستقرار وحسيت أن حياتي بقيت فاضية عليا».
كل صحابي وحبايبي كانوا بيرشحوا لي عرايس كتير بس ولا مرة كانت بتكمل ومعرفش السبب منين الجوازة بتتفركش لوحدها، وقلت أدور أنا لنفسي وأكتر مكان مناسب هما زبايني وأكيد مش هروح اسألهم واحد واحد فكتبت رقمي على الفلوس ومش بهزر أنا محتاج عروسة فعلا واكمل نص ديني»، قالها «رضا».
تلقى «رضا» عروضا كثيرة أغلبها غير حقيقية: «اتصلوا عليا أغلبهم كانوا بيهزروا وبيتريقوا عليا وأنا نيتي جد ومستحمل لحد ما الاقي بنت الحلال».
ورغم التعليقات الساخرة والتنمر الذي واجه «رضا»، مؤخراً لكنه لم ييأس من البحث عن عروس: «طالما أنا راجل صالح ونيتي خير مش هضايق وهفضل أدور على العروسة وأول حاجة هعملها لما ارتاح لها هروح البيت وأخطبها وأنا مرتاح مادياً وهجيب لها اللي عايزاه».
"رضا": مش بهزر وعايز أكمل نص ديني
