recent
أخبار ساخنة

رسالة لاعب مصرى محترف فى تركيا

 رسالة لاعب مصرى محترف فى تركيا




متابعة - شادى المعداوى

كابتن عمر فودة المحترف فى نادى كاراجومرك التركى

نص الرسالة

 اللهم لك الحمد كما ينبغي لجلال وجهك وعظيم سلطانك 

فى البدايه قبل أي حاجه عاوز أقول ان والدي ووالدتي واخواتي الأتنين  هما أصحاب كل نجاح أنا بوصله

 وأنا اللي مفروض أباركلهم على كل حاجه حلوه ف حياتي فعلا لإني من غيرهم ولا حاجه  

 تاني حاجه أحب أشكر أهلي والمقصود من أهلي هما أهل بلدي واصحابي وكل واحد ليه فضل عليا بعد ربنا سبحانه وتعالى 

 النهارده أتممت تعاقدي كلاعب محترف ف الدوري التركي مع نادي كاراجومرك

 أحب أشكر نادي غزل المحله بيتي الاول واللي بتمناله كل خير ويفضل ف مكانه الطبيعي ف الدوري وكنت أتمنى أقدر أقدم حاجه لبيتي كنوع من رد الجميل بس مكنش فيه نصيب وان شاء الله الجايات كتير ، وأحب أشكر كل اخواتي الكبار ف الفريق الاول واخواتي الصغيرين  ف النادي اللي عشت معاهم أحسن أوقاتي واللي بتشرف اني لعبت واتمرنت جمبهم واللي اتعلمت منهم كتير من أكبر واحد ف النادي لأصغر واحد 

 أحب أشكر كل المدربين والدكاتره اللي اشتغلت معاهم

 واللي أتعلمت منهم كتير وهفضل أتعلم منهم لحد أخر يوم ليا فى الكوره  وأحب اشكر كل المدربين اللي كانت واثقه فيا وفي إمكانياتي وكانو الداعم الأول والأخير ليا برا الملعب قبل الملعب، واحب اشكر الناس اللي كانت بتشكك فيا ومكنش وراهم غير انتقادي كنوع من الإسقاط وأقولهم ان هما كانوا أكبر دافع ليا فى حياتي اني أوصل لأي نجاح ليا فى حياتي 

 أحب أشكر بالأخص كابتن عمرو رمضان أخويا الكبير 

وكابتن هشام رمضان اللي إتعلمت منهم كتير جدآ 




وسنتين كانوا فرق فى حياتي 

 أحب أشكر شخص واحد كان ف ضهري وقت الضعف قبل القوه ووقت وقعتي ووقت قوتي وكان أكبر داعم ليا وكان ضهر وسند فعلا للواحد ودا شخص مبيتكررش فى الحياه مرتين وهو كابتن عبيده القداح 

الشكر الأول والأخير وصاحب الفضل ليا فى كل حاجه حلوه ف حياتي سواء فى الكوره او بره الكوره وهيفضل على راسي طول العمر ودا شرف ليا طبعاً وهو أخويا الكبير ابو قلب ابيض الكابتن  محمد ابو حسن  

بشكر كل الناس وبالأخص أهل بلدي المحترمين اللي بتشرف بيهم فى اي مكان والناس اللي كانت داعمه ليا فى مشواري واتمنى يفضلو ف ضهري ومساندني لحد اخر يوم ليا فى الكوره لان انا من غيرهم ولا حاجه 

 أنا لسه معملتش حاجه دي مجرد تحديد أتجاه صحيح لنجاح كبير إن شاء الله

تزكروا هذا الاسم جيدآ   كابتن عمر فودة




google-playkhamsatmostaqltradent