عصبيتي كانت السبب فى ضياع حياتي
كتبت
« : شيماء محمود» القاهره»
الفنان احمد زكي الله يرحمه لما سألوا ازاي انفصلت عن هالة فؤاد وليه بعد ماسبتها مااتجوزتش
قال ده طبيعي وبيحصل في معظم بيوتنا قال انا كنت عصبي بتعصب علي حاجات بسيطة وهي كانت بتستحملني وانا كنت عارف انها موجودة جانبي مش هتسبني وهتفضل تتحملني وتستحمل عصبيتي لحد ما ف يوم صحيت مالقتهاش لقيت البيت فاضي عليا ولما سألتها قالت إنها تعبت قولت شوية هتهدي وترجع بس للاسف مارجعتش
ولما راجعت نفسي لقيت اني كان ممكن ماتعصبش علي الحاجات البسيطة او التافهه دي كان ممكن احتويها وارضيها لكن يقيني انها عمرها ماهتسبني هو اللي خلاني اتمادى في في غلطي
" الخلاصة "
طبطوا علي اللي بتحبوهم فكروا ولو للحظة واحدة انهم لما يتعبوا هايسبوكم ويمشوا ولو مشيوا مش هايرجعوا عشان رصيدكم خلص ومابقاش ينفع رجوع .. فيه حاجه اسمها بلوك القلب للأبد و ده اصعب بلوك مستحيل يتفك
