جنحة الضرب في القانون المصري

 ناس كتير اتكلمت إن والتر مكنش أفضل شئ في مباراة النهائي

كتب - خالد عصام 

 لكن السحرتي -كابتن الزمالك- قال في لقاء تلفزيوني

 إن لاعبي الفريق التونسي كان التاكتيكس الدفاعي بتاعهم معتمد على إيقاف والتر والدفاع عليه بأتنين لاعيبه.

 اجوستي كان عارف ده وقرر إن والتر هيفضي الملعب لديابتيه، وبالفعل دياباتيه كان نجم المباراة في الوقت اللي اتحطت شكوك على والتر لإنه مكنش في مستواه المعتاد قدام الجمهور.

السحرتي قال إن دي مش حاجه سهلة إن محترف يضحي بنفسه عشان الفريق لإن أغلب المحترفين همهم الأساسي عدد النقاط اللي بيسجلوها لكن والتر إستثناء، والكلام أكيد كان إشارة عن ستوجلن محترف الزمالك السابق.

والتر النهاردة كان بيتدافع عليه بأتنين لاعيبة من جديد لكن مفيش دياباتيه عشان يستغل ده، والتر كان مُطالَب يبقى حل الزمالك في تسجيل النقاط رغم الدفاع وفعلًا قدر يسجل 44 نقطة.

الزمالك لو عنده بوينت جارد تاني بقوة ديابتيه كان زمانه بقى نجم كبير بفضل والتر، ووالتر كان هيظهر بشكل أفضل لإن الضغط هيخف عليه رغم إني مش عارف هيبقى ايه أفضل من إنه يسجل 44 نقطة في جيم بيتدافع عليه بالشكل القوى ده، وكمان يقدم جيم دفاعي محترم.