لمٌا قابلتك
شعر : هاني الحداد
لمّا قابلتك أول مره
حسيت إني حبيبك
وبتعرفني كدا فتره
فحلفت إني ماأسيبك
روحت لقلبك أطلب ودك
وارحم فيّا حنيني
قلت أستنى واسمع ردك
دا بعادك على عيني
جاني الرد بأجمل كلمه
وعرفت إني حبيبك
لما قابلتك ياحبيب قلبي
شفت في عينك حبي
وغرام ياما مش متخبي
و بينده على قلبي
روحت لقلبك أطلب ودك
وارحم فيا حنيني
قلت أستنى واسمع ردك
دا بعادك على عيني
جاني الرد بأجمل كلمه
وعرفت إني حبيبك
لماقابلتك ياسبب سعدي
وعدك كان من وعدي
دي حاجات يامابتقول عدي
ماهتقدر على بعدي
روحت لقلبك أطلب ودك
وارحم فيّا حنيني
قلت أستنى واسمع ردك
دا بعادك على عيني
جاني الرد بأجمل كلمه
وعرفت إني حبيبك
