الأمان
بقلم: مصباح محمد
الأمان مش فسح وهدايا ومصاريف بس ولا هو كلام ووعود
الأمان هو أكبر من كل دا بكتير وفي نفس الوقت أبسط من كل دا بكتير الأمان هو إنك تبقي عارف أن في شخص في حياتك هيفضل موجود طول العمر وانه جمبك وقت متحتاجه هتلاقيه جنبك سند ،وأمان ليك وانت في أسوء حالاتك وإنك وقت متختلف معاه تتكلم وانت عارف انه مش هيفهمك غلط ولا يزعل منك وان مهما وصل الخلاف بينكم تبقي عارف انهمش هيجرحك بكلامه أبدا لان في الاخر دا مجرد خلاف وهيروح لحاله انما انتم مكملون.
الأمان انك متبقاش خايف وانت بتقول اللي جواك
الأمان انك متحسش انك علاقتكم ببعض علي كف عفريت لأ دا انت تبقي متأكد ان لو الدنيا كلها اتجمعت علي انكم متكملوش انتوا تكملوا غصب عن اي حد .
الأمان انك تكون قاعد ومطمن وعارف انه هيدافع عنك لو وسط مليون واحد غلطوا في حقك .
الأمان هو نظره عين منه وكأنه بيقولك انا هنا انا موجود عشانك انا فاهمك صح والأهم من كل دا انا مش ممكن اخذلك
الأمان ان الشخص دا يطمنك بوجوده مش يهددك بغيابه الأمان والاحتواء هو اجمل احساس ممكن تحسه في الدنيا
