إمته أنا وانت
شعر: هاني الحداد
إمته أنا وانت نبقى لبعض
إمته أنا وانت نعيش أيامنا
نمشي إيدينا في إيدين بعض
و نحقق في الهوا أحلامنا
لا نخاف كلام الناس
ولا لوم اللايمين
ونقول ل كل الناس
أيوه إحنا العاشقين
إمته العالم كله دا يعرف
قصه شوقنا و غرامنا
إمته أنا وانت نودع خوفنا
إمته أنا وانت بالنا يروق
نقدر نهزم كل ظروفنا
ولا يبقالنا إلا الشوق
لا نخاف كلام الناس
ولا لوم اللايمين
ونقول ل كل الناس
أيوه إحنا العاشقين
إمته العالم كله دا يعرف
قصه شوقنا و غرامنا
إمته أنا وانت ننسى همومنا
إمته نفارق أي دموع
ومانسمحشي لحد يلومنا
ويقول لنا لأه وممنوع
لا نخاف كلام الناس
ولا لوم اللايمين
ونقول ل كل الناس
أيوه إحنا العاشقين
إمته العالم كله دا يعرف
قصة شوقنا و غرامنا