نبضة امل
بقلم: نوره سليم
ظلمت نفسي
يوم ما عليت سقف ياسي
كنت انا الجاني وجنايتي هي ياسي؛
مش هلوم حظي وبؤسي
ولا هعيش دور الضحيه
أعاتب مين مالجاني هي
هي نفسي .
مش هقول عمري كسرني
مش هدور علي الجدار
اللي اداري فيها عار
خذلاني نفسي
جتلي فرصه الانتصار
امحي ليل بعد النهار
جتني فرصه الم جرحي
جت تقولي تعالي كافحي
واتركي طعم المرار
جتلي فرصه الانتصار
مش هبص ورايا تاني
لأ هقول السعد جاني
هكسر شرنقتي القويه
اللي خلتها عفيه
بجهلي بالقوه الي فيا
اللي خلتني في حصار
مش هخبي عليكوا حالي
لما جوفي زرعته صبار
هد النهار
اللي كنت زمان بعيشه
جتلي فرصه الانتصار
وعمري تاني ما اعود ل يأسي
هعدي علي كل اللي فات
وانسي لوعه ذكريات
.كنت فيها سجن نفسي .
