مجرد شعور
للشاعر والأديب/ عماد الدين محمد
مجرد شعور
إن الحياة ترفضك
والطريق عليك يضيق
والبشر اللي حواليك
على طول مش حاسه بيك
والزمن واقف
والا بيعود للخلف
والأرض بيك بتلف
مجرد شعور
إن النصيب شماعة
ووجوه الناس خداعه
والحلم ما كان ليك
والحياة ترفضك
وصراع على كل شيء
تقول لنفسك
ليه ماشي عكس إتجاه
مجرد شعور
إن اليوم طويل
وبعد الفجر بيجي الليل
إحساس غريب
والدروب سراب
والحكاية هي هي
خلف كل باب
مجرد شعور
تخليك تبعد
تهاجر جواك
تنسى إسمك
عايش بين الأموات
تكتب شهادة وفاة
والسبب
قضاء الله
مجرد شعور
والنسيان دستور
ونظارة سودة
فوق كل العيون
والعقل شارد
والقلب بيعاند
مجرد شعور
وفوق السطور
قصائد
بس مقصوصه
لو تحاول تجمع حرفها
أو تطرد منها خوفها
تسألك إنت مين
شاعر والا كاتب
والا قلب حزين
والا كله كان تمثيل
مجرد شعور .
