أصل الحكاية إيه
شعر هاني الحداد
أصل الحكاية إيه
يااخوانا هتجنن
تايها الحقيقة ليه
والندل متمكن
واللي يزيد حيرتك
عمال يجيب سيرتك
بكل حقد و غل
وانت اللي بين الناس
ماشي مرفوع الراس
مخلص حبيب ل الكل
ليه القلوب المخلصة
ملهاش مكان وسط البشر
والظلم ليه صوته على
و الغدر ليه زاد و انتشر
واللي كله غباء وخسه
ليه مشاركنامعاه ف قصه
كلها بهتان و زور
لأ وإيه واخدنا لعبه
و مشينا سكه صعبه
مش لاقيلها اي نور
واللي يزيد حيرتك
عمال يجيب سيرتك
بكل حقد و غل
وانت اللي بين الناس
ماشي مرفوع الراس
مخلص حبيب ل الكل
السمعه ليه الطيبه
بيلوثوها بكل كدب
لأ ياعالم مش كدا
إحنامش عايشين في حرب
واللي كله غباء وخسه
ليه مشاركنامعاه ف قصه
كلها بهتان و زور
لأ وإيه واخدنا لعبه
و مشينا سكه صعبه
مش لاقيلها اي نور
واللي يزيد حيرتك
عمال يجيب سيرتك
بكل حقد و غل
وانت اللي بين الناس
ماشي مرفوع الراس
مخلص حبيب ل الكل
أصل الحكاية إيه
يااخوانا هتجنن
تايها الحقيقة ليه
والندل متمكن
