جنحة الضرب في القانون المصري

 

بقلم : عوض عبده الكومي

• نحط نقطة زيت على وش برطمان الصلصة، عمرها ما تعمل عفن.

• عصير الجوافة أو الموز، عليه نص ليمونة، ما يخليهوش يسود.

• وإحنا بنخزن الفراخ، نقطع معاها شرائح ليمون، ونحطها بعد ما تتصفى كويس في كيس التخزين.

• ما نفتحش على الفول كتير أثناء التدميس؛ الهواء هو اللي بيخلي القشرة بتاعته تسود، ويُفضل يتسوى في إناء فتحته ضيقة، زي الدماسة، عشان نقلل مساحة احتكاك سطحه بالهواء.

• شوية خل في مياه غسيل المواعين بتفرق كتير؛ بتمنع التصاق الصابون، وبتنضف وتطهر وتلمع المواعين.

• فصين توم على البسلة بيغيروا الطعم تمامًا للأحلى.

• للاحتفاظ بالخضرة وقت أطول، حطي معلقة أو شوكة معاها في كيس التخزين، ونقفل الكيس كويس بعد ما نفرغ منه الهوا.

• لحفظ الليمون، نلف كل ليمونة في ورق فويل أو ورق جرايد، ونحطهم في علبة؛ كده بيعيش مدة أطول.

• بعد ما نتبل البانيه، نحطه في البقسماط وندخله الفريزر نص ساعة؛ هيتماسك معانا ومش هيفك أبدًا وإحنا بنحمره.

• لو عندك كاتيل استانلس، اغلي فيه مياه وملح ليمون؛ هينضف ويبقى بيلمع.

• اللحمة مش بيتحطلها ملح إلا في آخر نص ساعة، وشوية سكر صغيرين ونص معلقة صغيرة بيكربونات، لو اللحمة كبيرة، بيساعدوا على التسوية بسرعة.

• ما نحطش زيت وإحنا بنسلق مكرونة هنستخدمها في بشاميل أو وايت صوص، عشان بيزحلق الكريمة من على المكرونة، وبتبقى كأنها مسلوقة.

• البصل الأبيض للطبخ، والأحمر للسلطات والسندوتشات.

• نشوح الفراخ بملح وفلفل قبل ما نضيف مياه الشوربة بتفرق جدًا في الطعم.

• معلقة صغيرة خل مع شوربة الرز بتخليه يطلع أبيض زاهي ومفلفل، وشكله جميل.

• نضيف على عصير الليمون ربع كوباية لبن؛ بيبقى تحفة.

• الطماطم بعد ما تتعمل بالخلاط، تتصفى من القشر والتفل عشان ما يبقاش فيها طعم مرارة.

• للتخلص من أي دهون على البوتجاز، بيكربونات وملح ليمون وخل؛ بتشيل أي دهون.

• لو مش عاوزين الكفتة تكش مننا، نضيف معلقة بقسماط ونص معلقة بيكنج بودر عليها.

بالهناء والشفاء، مع أرق تحياتي.