رمضان صبحي يقدم الشكر لإدارة الأهلي والكابتن محمود الخطيب
محمد أبو سيف
كتب رمضان صبحي عبر حسابه الخاص علي تطبيق الانستجرام رسالة شكر إلى كل من وقف إلى جواره في ازمته الاخيرة ، وخص بالذكر عائلته واصحابه، وكذلك خص ملاك نادي بيراميدز ليس فقط على الدعم كما أكد ، ولكن على الثقة والموقف الإنساني الواضح.. كما قدم شكر خاص لمجلس إدارة النادي الأهلي برئاسة الكابتن محمود الخطيب على موقفهم الانساني وعلى دعمهم القانوني .. جاء نص ماكتبه رمضان :
شكرًا من قلبي.. شكرًا بعد ربنا لعيلتي وصحابي ولكل حد وقف جنبي في أزمتي الأخيرة
سواء بكلمة أو بدعوة أو حتى بنية صافية.. الدعم ده فرق معايا جدا ومش هنساه طول عمري .
وشكر كبير لملاك نادي بيراميدز مش بس على الدعم لكن على الثقة والموقف الإنساني الواضح من غير حسابات من أول لحظة .
وشكر خاص لمجلس إدارة النادي الأهلي برئاسة الكابتن محمود الخطيب على موقفهم الانساني من البداية وعلى دعمهم القانوني لحد ما الأزمة عدت على خير.. الأهلي بيتي وعمري مانسيت ولا هنسي فضله عليا .
وبعتذر لكل حد بعتلي أو كلمني وماقدرتش أرد عليه و بطمنكو إن رسايلكم ودعمكم وصلوا وكان ليهم أثر كبير عندي .
ربنا ما يكتب أزمة على حد ولو حصلت يبعتله ناس زيكم.. ألف شكر .