نبض شعب في أرض الوفا
كتبت - منى منصور السيد
يا أم الدنيا يا مصر
يا بلدي يا اللي فيك الروح
اسمك في دمي بيجري
وكل جرح بيروح
من يوم ما وعيت على الدنيا
وعرفت معاني الأشياء
وانت الحضن اللي بيضمني
في ذكرى يوليو
يا جدعة يا ثورة رسمت تاريخ
بنفتكر أيام رجالة
ما خافوش من أي ظالم
خرجوا ولادك بالآلاف
هاتفين ورافعين إيديهم
يسقط كل ظالم
قالوا والنصر كان هدف ليهم
من يومها والشعب واقف
سندك في كل شدة
طول عمرك عمار يا بلادي
ومحدش يقدر يهدك
يا رمز الصمود والعزة يا أصل كل الأوطان
جينا في عيدك يا بلادي نجدد عهد الولاء
كل حبة رمل في أرضك
عليها مليون شهيد تشهد علينا
إن ولادك يا مصر
صخرة ما تتكسرش
مهما الزمان دار هما على عهدهم
في كل شارع وحارة
في كل بيت وكل دار
بنحبك حب من قلوبنا
ده إحنا ولادك الأبرار
يا مصر يا بهجة أيامي
هتفضلي طول العمر عالية
شمس وبدر ومنارة
يا مصر يا مهد الحضارة.